Buaina reng reng a awm ngai lo

Phuahtu: -
Satu:

Phuahtu: RL Kamlala
Satu: Biakchhawni, Melody for Christ, Lallawmawma, Ramdinmawii Pachuau

 
Buaina reng reng a awm ngai lo,
Thlarau khawvel hmunah chuanin;
Tlante an zalenna a ni,
He lai hmun ang hi a ni lo.

Lungngaihna leh hrehawmin min bawm,
Buainate’n tui lian angin min len;
Lawmin ka zai zel anga A chungah,
Hlimin chu ram chu min thlen ang.

Leiah hmun nuam ka tan vang n’a,
Hrehawm tuar ka tahna chauh;
Chu hmun nuam chu han thleng ila,
Lawmna hmun chang ve ang i maw?

Chhandamtu’n hring a chan lai khan,
“Awmna tam tak a awm,” a ti;
Kei ka chan tawk a awm lo’m ni?
Ti hian ngaiin ka thlir bang lo.

He khawvela ka then hnute’n,
Min auve lui ral lehlamah;
“Lo kai ve la, i leng za ang,”
An ban vawr siau siauin an ti.

Aw, i hlu e, thisen ropui,
Nangmah vangin rethei fate’n;
Chu hmun nuam chu an thleng zo ta,
Tunah pawh an la kal zel e.