Buan ang kan pawm lai kha dawn ve rawh

Phuahtu: -
Satu:

Phuahtu: K Biaksanga

Hmangaihna par tlana kan lenlai ni,
Bawihte, kan nun dangin a mawi lo;
Mahse, tunah leng dang par tlanin,
Mual min liam san hi a pawi em mai.

Bawihte, kan nunhlui zawng kha dawn ve la,
Hmangaihna bianga kan fawh lai ni;
Kei zawng rai ka rah vang maw lo ni,
Leng dang tawnah lung min hersan ni.

Thal favang tlai ni leh zing eng riaiin,
Min ngaihtir kan nunhlui zawngte kha;
Tukram chul hnu leh laikhum damte,
Sulhnu riangte ka tahpui ta’ng e.

Ami an leng e, a ngur nun iangin
Kei ka lenna rairah run in chhung;
I thinlai rukah lal lai ngur nun,
Min siam si Khuanu’n ariang turin.

Kei zawng ka hawi ngam lo kan sulhnu,
Ariang ka tahna mai a lo ni;
Leng dang tawnah thlangkhuandim mah la,
Buan ang ka pawm lai kha dawn ve rawh.