Chenchilhtu thlarau thianghlim

Buaina leh lungngaih tahna ramah hian,
Manganna ten min chimbuai mahse;
Thihna leh natna hlauhawm karah pawh,
Ka hlau lovang ka zam lovang.

Thlamuantu thlarau thianghlim,
Thiltihtheihna thlarau chuan;
Ka kawng thim a chhun eng a,
Englai pawhin min awmpui thin,
Min chenchilhtu thlarau a ni.

Hlauva awm turin bawih nihna thlarau,
Kan Lal Isuan min pe silo a;
Rilru thianghlim leh ama duhzawng a,
Kan awm theih nan thlarau a ni.

Khawvel dan anga awm tawh lo turin,
Kristaah chuan tlanchhuah kan ni a;
Thlarau dana nung ve tawh zawk turin,
Lal Isuan thisenin min tlan.