Chhandamtu chu ka sual tlanin
Phuahtu: Rev. Thangngura
Satu: Chanmari Pastor Bial Zaipawl
Chhandamtu chu ka sual tlanin,
Leiah a vakvai a;
Mi sual nung tlak lote angin,
Thingah an tuartir a.
Aw, Nunna Lal thianghlim tak chuan,
Kan tan a tuar zo ta;
Lungngaihna thih thlenga tuarin,
Keini min tlan chhuak ta.
Chhandamtu chuan, “Ka tui a hal,”
Tia a au lai khan;
Mipui sang tam tak zingah khan,
A petu an awm lo,
A kawngte chu thlir zel ila,
Kalvari tlang thlengin;
“Lalpa, kan zui ngam lo a che,”
Ringtute’n an tia.
A lungngaih, a thlaphan ang khan,
Tanpui a ngai reng a;
A duhzawng thil ti zel turin,
Ka theihna a tlem si.