Chhandamtu thisen hlu a chhuak
Phuahtu: Rev. Liangkhaia
Satu: Hmingtea
Chhandamtu thisen hlu a chhuak,
Ka bat min tlaksak nan;
A lu thianghlim a kaikun a,
Nunna ka hmuh theih nan.
Beramno nunnem ber chuan,
Kalvariah a lo tuar;
Beramno thah hnu tho leh tawha chu,
Ka Chhandamtu a ni.
Ka thil tihsualte avangin,
Kraws chungah a rum a;
Khawngaihna leh hmangaihnain,
Min pe – chatuan nunna.
Niin a hmel a thukru a,
A eng a chhuah ngam lo;
Chhandamtu’n ka sual zawng phura,
Kraws-a a tuar lai khan.
Kei pawh ka lu ka kaikun a,
Lalpa kraws hmaah chuan,
A tuar natzia ka ngaihtuah a,
A hmel tak ka hmuhin.
Ka lungngaih mittui tla mahse,
Ka tan a tuar na zawk;
Ka pumin ka inpe ang e,
Chu chauh chu ka theih tawk.
Source: Kristian Hla Bu No. 206