Corona virus hla

Mit a hmuh theih loh Corona hripui ral a lo hrang e,
Khawvel pum puiah thihna tur thlipui a leng;
Mi ropui leh ram ropui hlau in an khur a,
Ralkhel dar an vua mahni runpui bel r’u min ti.

Chhandam faten hripui hneh loh leh ngam loh nun kan nei,
Thihna leh thlan hnehtu Isua Krista kan nei e;
Rawng min bawl saktu Vantirhkoh thlazar hnuaiah,
Lalpa fakin kan lam e, Haleluiah! Haleluiah!

Kan Lalpa Isua’n fimkhur turin thu min chah,
Fimkhur na thupek zawmin Lal biak runpui kan khar e;
Chinlai, lenrual, lungduh pawh doral ang a chantirin,
In chibai a rem tawh lo, hripui lengin kar min dan e.

Hun hnuhnung chhinchhiahna Lal Isua’n a lo sawi chu ,
A lo thleng ta e, ringtu muhil tho rawh u;
Thlarau thianghlim harh tharna meipui ang lo thleng rawh se.
Setana hripui thlarau ngunhnamin i vai kiang ang u.