Dam takin zirpui lenrualte

Phuahtu: -
Satu: -

Hla Thu (Lyrics)

Phuahtu: LR Muantea Bochung
Satu: Rinhlui Tlumang

Zirpui lenrual duh te u, in lo dawn ve thin ngai em?
He khawvel hringnun inthenna ram hi;
Suihlungrualin zirna run khat belin kan hlim za thin a,
Mahse, tunah thenna kawl a lo eng leh ta.

Dam takin mangtha mai ule,
Zirpui lenrual duh te u;
Khuanu zarah dam taka,
Intawn leh hun a la herchhuak leh ngei ang.

Tuanna tlang te lo dangin tawn loh ni te rei mahse,
Zirpui lenrual te nghilh zai rel lo vin;
Kan inhmuh leh kan intawnna tlang leh mual tin apiangah,
Hlim leh lawmin chibai inbuk tawn ang u.

In zirna leh in thawhnaah rinawmna hmachhuan zelin,
In hlawhtlin hma zawng thawk hram hram ula;
In vanglai leh in that laiin Siamtu kha hrereng ula,
Chutin Lalpa’n mal a sawm zel ang che u.