Di Thangpui
Phuahtu: Lalnunmawia (Valtea)
Satu: Lalnunmawia (Valtea)
Kan run thin riai mahriaktein,
Ka bel leh ta’ng e zan tlaiah;
Leng dangte zawng di run kaiin an nui hiau,
Riakmaw valeng iang rengin min chantir,
Ka zuam hlawl lo leng dang chhai chu;
Ka di nang ngaih lunglen nen chuan,
A pawi em mai kan tuanna tlang a dang hi.
Di Thangpui, ka ngai em che,
Fam zunleng ngai iang rengin;
Luaithlinulin ka au ruai che.
Kan kar lamtluang a thui vawng vawng,
Biahthu hlan nan kar tam a liam;
Ram loh khauleng palaia tirh a lo nuam,
Awithangpa iang tir ve na’ng riakmaw valeng,
Biahzai nem te’n lo chhang ve la,
Damdiai riah run lo remsak la,
Thu tin di nen rawn tir leh na’ng che ka di.
Duhthuleng sam chang nite hian,
Ka lo thlang thin che run lum thai a’n;
Damlai pialral i chantir ang,
Kan run riang hi;
Ainawn par iang i sakhmel,
Aw, a mawi chuang e.