Enteh, ka di, i iang chung siar pawn,
I run riangte bela riahrun rem i ti;
Tahlai hnem tumin e mawi te’n,
Thangvan mawi nen riang ten a len leh tak hi.
Duat, lamtluang chhuiin e vangkhaw tualnuama’n,
Haw zai rel ve tawh rawh aw,
I ngaiin chhun ni a rei, zankhua a tawi chuang si lo,
Duat, ka ngai che, aw, ka ngai che.
I SMS biahthu lunglen ti zual maw,
Tihtheih dang reng ka nei lo, aw, min ngaidam rawh;
Thu tin zai tin rem perhkhuang nen,
Ti hian ka hlan che, ka duat, ka hmangaih che.
Nangpawn e, kei iangin in lenna kawlvalenchhemah,
Mi ngaiin zan mu i chhing bik lo’ng;
Ka hai lo, lungrun, lendun zai rel tawh zawk ang aw,
Dam te’n intawn nan Khuanu malsawmna dil ang aw.
