Duhlai lenmawi

Phuahtu: P.S Chawngthu
Satu: -

Hla Thu (Lyrics)

Leng dang hai rual loh i sakhming thang vel,
Vangkhaw zawl cho loh duhlai leng;
Tu zunzama’n nge chhawl ang uai ve a,
Thinlaia i lungkham leng hi.

Duhthuleng sam mai te hi kan chan tawk,
Kei reng hi ngai vein kur la;
Tlang tin thang mawiin suihlunglen zai hla,
Nang ngei hi chawiin rem nang e.

I sakhmel tawn ni te mah hi lawmin,
Ka dawn thin zan mu chhing lo te’n;
Tanglaiah duhte’n pawm ni her ve se,
Eng ang rengin lawm ang i maw?

Kan chhuahtlang zing riaiah phul bawm dingdi,
Siahthing zar mawi lawhlei par nen;
A kara’n hlim te’n biahthu di hrilin,
Len ka nuam duhlai lenmawi nen.