En teh van khawpui

Enteh, van khawpui tuallai khi,
Mi huaisen martar te an leng e;
Sakawlh leh ring lo an hlau ngai lo,
Hnehin an leng van khawpui tualah.

Aw, Kalvari tlang kraws,
I chakna ringtu te chuan;
Hnehin an ngam ta,
Sual thihna hnehna kraun nen;
An leng Salem tuallaiah.

Tingtang leh phaiphuleng remin,
Tlantu an fak an rimawi zawng nen;
Khawvel hreawm hi an ngai tawh lo,
Hnehna fakin hnehtu te zai.

Lalpa, i ram ngaiin kan rum,
I tlansate lei hreawmah hian;
Hruaichhuak la khawvel buaina pelin,
Lungngaih buaina piah ram thlen ang che.

Hei hi ka lawmna ber a ni,
Ka tan chatuan khaw nuam a siam hi;
Tlantu hmaa ka din ve hun chuan,
Hnehna fakin hnehtu kan zai ang.