Engatinge van Lal Fapa ran thlengah kher

Engatinge   vân   Lal  Fapa,
Ran   thlêngah   kher   a   lo   pian   le;
Khualbûkah  a  leng  ve  lova,
Hmun   tlâwm   dai   reh   a   chang   ta   zawk.

A  pianna  erawh  vân  Lal  hriatpui,
Mihring  mithmuha  a  tlâwmna  chu;
Vân  angelte  chawimawi  a  hlawh  a,
Mi   fingten   ro  hlu   an   hlân   bawk.

Thinlung  khualbûk  mihring  chênna,
Ka   Lalpa   tân  a   sâng   lutuk;
Thinlung  ranthlêng  tlâwm  leh  khawhar,
Ka   Lalpa   tân   hmun   duhawm   ber.

Ka  Lalpa  pian  hretute  chu,
Mi  tlâwm  tak  tak  berâmpute;
Khawchhak  mi  fing  thinlung  tihtlâwm,
Vân  khua  leh  tui  zawng  zawngte  nên.

Ran  thlênga  Lal  piang  hmu  tûrin,
Khawvêl  mawina  kalsan  a  tul;
Chu   Lal   duhawm   lo   piang   pawh   chuan,
Vân   ropuina   a   rawn   kalsan.