Engkima ka engkim

Aw ka chenna he lei hmun hi, thlaler ram ro lungngaihna chauh;
Khi lamah khian kan la leng ang, beramno Isua hnenah chuan,
Ka chenna tur aw ka ram khi, ka ngai e, lungduh an lenna;
Thlir zel ila tlante an zalenna ram nuam chu.

Ka tum, ka ram ka chenna tur, leiah rethei mah ilangin.
Ka Chhandamtu’n retheite tan, lawmna tuikhur hlu a hawng e.

Aw ka tlantu i tuarna chu, Hmangaihin hmu chiang thei ila;
Engkima ka engkim i ni, Rangkachak tual nuama leng tur,
I tuarna hian a man tawk e,Aw mi hmangaihna a lo ni,
Kei mi rethei tan.

Aw Lal Isu, hmu thei ila, Lungduh zawng tual an lenna chu,
Kalvaria hmangaihna zarah, Chitin hnamtinte an leng za,
Keipawh i retheihna zarah, Thlaler ramro ka chhuahsan ang;
Aw ka Lalpa min hruai ang che, Hmangaihna ramah.

Khawvela ropui leh lawmna, A ral zel ang a mawina nen;
A ropuina zam velah chuan, Lei lawmnate ka ngai lovang.
Tin, a hmangaih chungah chuanin, Chatuan lawm hla kan sa tawh ang,
Beramno hmaah.