Favang khaw thiang

Phuahtu: -
Satu:

Phuahtu: Rokunga

Kan ram hi tlang ram nuam,
Boruak, thlifim thiang lenna;
September lai ni lenkawl,
Zing ni eng lo chhuak a thiang mawi hle.

Aw, a mawi mang e, van dumpawl leh thiang,
Thal favang lenkawl eng riai;
Khuangruahpui sur leh romei chhum a kiang,
Thlir ilang tlang tin a thiang mawi hle.

Thlifim nuam leng velin,
Thing tin zar mawi a rawn chhem;
Chutin favang hun lawmin,
Thilsiam tinreng sawmin zai an rem.

Thing tin hring zar hnuaiah,
Van tinrengten zai an vawr;
Hun thiang leh mawi an lawm a,
Rengchal, dawlremten zaiin an awi.

Fur, thal favang nemin,
Hlim leh lawmna min rawn thlen;
Hun tin bi kim her zelin,
Pialleiah malsawmna hlu min pe.