Greenland vur ram atang te
Phuahtu: Bishop R Heber
Satu: Isua Krista Kohhran Zaipawl New Saiha
Grinland vur ram atang te,
India tiauphovan pawh,
Afrik ram pik mite leh,
Ram dang tam takah pawh;
Lui lian kama mi chengten,
Thingtlang leh phaiah pawh
Chhanchhuaktua’n min ko ve,
An ram sual phuar ata.
Silon thliarkar num chungah,
Thlifim tha a lo tleh;
Thlir lam apiang a mawi a,
Mihring erawh an sual;
Pathian thilpek chhiar sen loh,
Vura an lo awm hi;
Mahse, Pathian hre lovin,
Thing, lung bul an be si.
Keini, Chanchin Tha hre si,
Enna hmu tate hian,
Chatuan nunna eng thu hi,
An hriat kan phal lo’m ni?
Chhandamna! Aw chhandamna,
Tlangaupui zel ula;
Ram tin, kil tina miten,
Messia an hriat hma chuan.
Thlifim, thlipui zawng zawngten,
He Chanchin len ula;
Tui luangte u, chhandam aw,
Hruai r’u, darh vel zel se;
Beramno mi sual tana,
Thi kha lo thlen hma chuan,
Tlantu, Rorel, Lalbera –
Tanin lo bei rawh u.