Haleluia, aw Halelui, Amen

Phuahtu: R.L Kamlala
Satu: Lalroutmawi

Haleluia, aw Halelui, Amen,
Kalvaria hmangaihna thisen zârah,
Ṭahna ram leh lungngaihna zân thim hi,
Hlimna vân pialrâl khian a rawn ên.

Lâwmna a chul lo vang,
Haleluia! Haleluia!
Fakin awm zêl rawh se, Berâmno chu,
A hmangaihnain lungngaih a hnêm.

Aw Thlarau, lêng rawh, lâwmna rimtui ber,
‘Haleluia!’ tiin thlalêr ram hi,
Lâwmin an awi nuam e, khawhar riangin,
Nang i awm chuan lei vân a chang thin.

Kumkhaw ram leh chatuan a ral hma zawng,
Lawmna reng ropui, van saron par mawi;
Aw, i vul lai rêng hi a chul dâwn lo,
Nang hi ka ngai ber che min awm rawh.

Aw, khawvêl hian hria se, ka Lal ropui,
Vân angel zîngah lâwmna thla zârni,
Kalvaria Berâmno hmangaihna hi,
Awiin an zai ve ang chatuanin.