Hawilopari
Phuahtu: -
Satu: CFL Hmingthanga
Par tin an lo vul lehin khua thala’n,
Lunglen ti zual thal bawm romei;
A lo zam hian hin suihlungrukah.
Ngaih lai a zual em mai, Hawilopari,
Bei ti sei thlawntu mai ni lo tura;
Biahzai nem te’n kan sam lai ni zawng te,
Nghilh ni reng hi a awm dawn si lo.
Thal romei zamin a bawm chi chiai mai,
Hlim te’n laitual i lenna zawng te;
Chhingmitthlaa’n a cham reng mai.
Phai ram chul hnu han fan chang ni te a,
Mah te’n sulhnu han chhui chang hian,
Ariang thinlaiah i cham reng mai.
Hlim te’n in vangkhua lo lawi lehin e,
Hmangaih vanga lunglenna zawng te;
Hmangaihnain min lo hnem rawh.