He lunglen ruam thim ata hi

Phuahtu: K Hminga
Satu: K Hminga

He lunglen ruam thim ata hi,
Engtin nge min hnem thiam ang?
He khawharna run ramah hian,
Engtin nge min hnem thiam ang?

Hlimna nui ri kan intawm kha,
Tun hnua inthenna tur,
Ralkhel dar an nih lo hria ila,
Kan lunglen hi a nem mahna.

“Lusuna khawharna hi zawng,
Khuareiin a hnem” an ti.
An sawi, “khuarei’ chu khawiah ding ni maw?
Kei chuan, ka tawng lo nitinin.

Hringnun dam chhung rei lo te hi,
Anchhedawng awma mawi reng hian,
A suntu pawh sunin an awm a,
A vuitu pawh min vui liam ang.

Khuarel ken thihna koham chuan,
Kan ngaih-lai thlanah a zalh ta,
Khuarelin hmelma ang min hliam si,
Aw hun, nang talin min hnem rawh.