Hlimni

Phuahtu: -
Satu:

Phuahtu: Lalremsanga Hnamte

Damlai lungngaih, mangan leh tahna karah hian,
Hun lehkum leh ni te an lo thar zela;
A lo herchhuak leh ta he hlimni kan lawm nan,
Suihlungrual te’n hlim zai i vawr za ang aw.

Hlimni hi a ha, ha,
Hlimni damte’n kan tawng kan vannei hle,
I chen ang aw, i chen ang he hlimni ropui hi,
Hlim leh lawm leh zai leh lamin i chen ang aw.

Lenrual duh zawng te u, hlim takin i zai ang u,
Hei ang hlim leh lawmna ni awm chuang lo’ng e;
A liam leh mai dawn si he hlim ni tawi te hi,
Kan aw neih zawng nen zaiin i awi ang u.

Kan lenlai hun tawi te ral leh mai tur dawnin,
Hlim ni hmang thiamte chu an vannei chuang e;
Zamual liam mai lo hian cham rih la aw, hlimni,
Kan aw neih zawng nen zaiin kan awi ang che.