Hlimtakin i chawimawi ang u kan remna lal lo piang hi

Phuahtu: Rev. Taisena
Satu: H Vanlalhlana

Hlimtakin i chawimawi ang u, kan remna lal lo piang hi;
A lalthutthleng, A mithianghlim, lallukhum hnutchhiah vekin,
Keini suala vakvaite chhandamna kawng min rawn hrilh hi,
Fak rawh u, chitin, tawngtinin Lalber chu  chawi mawi chiam r’u.

A fakna a dai tawh lo’ng,
Khawvel tawp hun thleng pawhin;
Nitin, kumtin a fakna a zual zel ang chatuan thlengin,
Lei leh van ral hnu pawhin,
Angel varho nen kan fak ang.

Bawng in tlawmah lo piangin ran thlengah lo mu mah sela,
Amah mi lian a ni a ramin kin ni a nei lo vang;
Chhak, thlang, chhim leh hmar a mi, thihna daihlim hnuaia thute,
A lalna fakin nitin, thlatin, kumtin an pung zel ang.

Eden huana Setanan kan Lallukhum min chhuh hnu kha;
Tunah hian kan Lal Isua’n a hnena, min rawn pe leh ta,
Chuvangin nula, tlangval, naupang, pitar, putar, mitin;
Lalberte lalber fakin tuipui fawn vel angin zai r’u.