Hmangaih kan ni lyrics
Hla Thu (Lyrics)
Duh dana nung, Chhungrila rûm reng si,
Sakhmel chauh hlim, Thinlung chhungril keh chhia,
Hmasawn thei lo,kun reng tur hian maw,
Nang leh kei hi Lalpa’n min din lo.
A duh taka a siam kan nih vangin,
Ruahmanna kan tan a nei,
Lalpa’n thil ṭha hlirin min thawhsak ṭhin a,
Lei leh van lal meuh Hmangaih kan ni.
Hlemhlêt ṭhulh lo, pawn lama Isua ṭan,
Sual khawih thei reng, Lal rawngbawltu hming pu,
Chanvo ûm a, Lalpa thawhpui lo,
Hetiang tur hian Lalpa’n min din lo.
Thinlung lam tlawm, a hruaia awm reng ṭhin,
Lalpa lam ṭang, a tana nun hmang ngam,
Thildang aia, Isua thlang ringtu,
Heihi a ni Lalpa’n min din chhan.