Hmangaih lungduh kan kim tawh ang

Phuahtu: Lalduhawma Chhakchhuak
Satu: Redemption Singers, PC Thankunga, PBK Liankhuma, LB Hhmingmawia

Hla Thu (Lyrics)

Ram ni tlak ngai lo chatuana engah chuan,
Aw, chutah hmangaih kalta te an leng e;
Zaiin an fak an tlantu Lal Nunnema,
Chatuanin fak hla reng an chawlh tir dawn lo.

Chatuan ram eng mawi kan thlen hun chuan,
Thihna fa chatuanin kan chawl tawh ang;
Vanlal runnuamah chuan kan leng ang,
Hlim takin chatuanin kan zai ang.

Aw, ka thlir bang lo, chatuan ram ropui chu,
Lungngaihna, hrehawmna ram ka pelh hun chuan;
Zaiin kan fak ang tlantu Lal Nunnema,
Aw chutah hmangaih lungduh kan kim tawh ang.

Chu ram ropui tak lungduh te lenna chu,
Lei hrehawm tahna ram hian min ngaih tir thin;
He lei taksa hi a ral hunah chuanin,
Ka chawl ang buaina piah ralmuanna ramah.