Hmangaihna diklo
Phuahtu: Young Fella X Smiley
Satu: Young Fella X Smiley
Ka tan i zahngaihan zawng te a tawi, bawihte,
Tinkim han dawn la, beiseina te thamralin,
A rem tawh dawn si lo, bawihte, a pawi vawng vawng,
Kan intawn nan khua a lo tlai zo tawh em a ni,
Lungrunpui, nang nen lendun a rem lo maw?
Leng dang lo hnawl la, ka tan chauh vul rawh,
Tih ngawt a theih loh,
Leng dang a hung tawh, a pawi lutuk,
A pawi tih a ngai, kan intawn a tlai,
Ngah nge hmana hmanah khan kan intawn loh?
Thangvana vanah lendun ka chak,
Zu leh tui ang hian inkawp a rem ve si lo,
Aw, thadang, Khuanu’n a rem lo a ti,
Uhmm…hmangaih dan a dik lo a mi?
Hmm…Mate, ka phal lo asin,
Hmm…mahse, kan chak tawk a ni,
Hmm…nang pawn i hai lo, keipawn ka hai lo,
Nang pawn i hai lo, keipawn ka hai lo,
Thianthat bak aia thui a leng lo kan karah.
Khuanu ruat loh di zawng a pawi mang e,
Khiangawi tawh mah la, bawihte,
Ka tan hian i mawi mang e, lungdi,
Kan intawn tlai lo se, beisei a bo lo tur,
Pialralah tal khianin i leng dun ang,
Aw bawihte, a har em mai kan chan hi,
Mi dang tan ka phal thei lo che…
Aw…aw…aw…aw…..
Ka dawn thina bawihte,
Enga’n hmanah kan intawn loh,
Suihlungchhir a sawt lo,
Kian zai rel chuang si lo,
Ka hmangaih reng ang che,
Nghil ni reng i awm lo’ng e,
Khuanu ka dil ngam lo,
Nang nen intuah rem a mawi lo, a mawi lo ve,
Di, nang nen chuan samsuih kan ni lo.
Khuanu ruat loh di zawng a pawi mang e,
Khiangawi tawh mah la, bawihte,
Ka tan hian i mawi mang e, lungdi,
Kan intawn tlai lo se, beisei a bo lo tur,
Pialralah tal khianin i leng dun ang,
Aw bawihte, a har em mai kan chan hi,
Mi dang tan ka phal thei lo che.
Lainatna nena min thlir thintu,
Ruh theih si loh tui baw hnu,
Dawn tel angai si kan chan tur,
Mi hriat a rem lo, kan sulhnu,
Hmangaihna a lo piang,
Pawmlai nei ve ve atang tawh maw,
Aw, hmangaih neih zawng a thiang,
Mahse, bawih zui thiang lo Siamtu kalh zawng,
Hraileng i chawi tawh, keipawn,
Mahse, i mawi tho, beidawn mai angai dawn,
Mitmei tam tak ven angai a,
Rilru kalhtu nei chunga kan hlimlai khan,
Ngaihtuahna a vak thui thin a,
Mittui lah a tlak chang a tam,
Inthiam lo hle chung khanin kan inthlah thei si lo.
Khuanu’n a rem lo a ti,
Uhmm…hmangaih dan a dik lo a mi?
Hmm…Mate, ka phal lo asin,
Hmm…mahse, kan chak tawk a ni,
Hmm…nang pawn i hai lo, keipawn ka hai lo,
Nang pawn i hai lo, keipawn ka hai lo,
Thianthat bak aia thui a leng lo kan karah.
Khuanu ruat loh di zawng a pawi mang e,
Khiangawi tawh mah la, bawihte,
Ka tan hian i mawi mang e, lungdi,
Kan intawn tlai lo se, beisei a bo lo tur,
Pialralah tal khianin i leng dun ang,
Aw bawihte, a har em mai kan chan hi,
Mi dang tan ka phal thei lo che.