Hmangaihna i tan
Hla Thu (Lyrics)
Phuahtu: Thartea
Satu: Joseph Lalthanpuia, R Lalhmingmawia (Mapuia), Cindy Lalthanpuii, Zualbawihi (R Lalhmangaihzuali), Thawhlehnaniropuia
Ka dawn thina mahriak tea run in nghah chang ni hian,
Lalpa, hmangaih lungdi min pek hi;
A hlu chuang ngei e aw, ka tan hian,
Nghilh ni ka nei si lo, a cham thinlaiah.
A sakhmel mawi leh anka reng duhaisam a tling e,
A zunleng ngaih reng hi a na e;
Lalpa, a mak ka ti tiang em a,
I kutchhuak mawi chuang hi ka phu lo asin.
Karah hmelma te hrang mahse,
Chun leh zua, unau hrang mahse;
Sam ang kan inthen phal suh ang che.
Thinlai rukah dawn chang ni hian suihlung lawm a kim ngei,
Ka tan renga Khuanu ruat em ni;
Selna tur reng a awm mawlh lo ve,
Isu, nangin min ven sak la, hruai ang che.
In run in zau khartung sawna tiamthu kan hrilh dunin,
Lalpa, nangin kan aw ngaithla la;
I duh zawng chhungkua kan din theih nan,
Kan inhmangaihna hi i tan kan hlan e.