Hmangaihna par tlanin
Phuahtu: Mamuantea
Satu: Maggie Malsawmzuali
Vahvaihna ram khawvelah hian,
Lungngaihna ten min chim laiin;
Ka nun lungngaiin a rum thin a,
Thlemna tuifawn hlauhawm karah,
Beidawnga chauva ka rumin,
Ka van in mawi ka ngai zual thin.
Chu hmunah par mawi tinreng an vul,
Hmangaihtu Lal nunnema an mawi e;
Angel var leh kal hmasa zawng te,
Keipawh min sawm e, chu ram eng mawi nuam takah chuan,
Lei hringnun reng hnutiang chhawnin ka leng ve ang,
Ka lei hringnun a ral hunah,
Chu ram eng mawi nuam taka chuan,
Lei hringnun hnutiang chhawnin ka kal ve ang,
Tlantu kiangah lungmuang tein hlimin ka la chawl ang,
Lei hringnun ngai lo va hmangaihna par tlanin.
Kan lawmna hla a la ni ang,
Thihna thlan thim ka zawh lai te,
Tlantu zarah ka tuar laiin,
Ka van in mawi chu ka ngai zual thin.
Aw, thihna khawnge i hnehna zawng te chu,
Tlantu zarah hnehna ka ta,
He ka lei in hi thiat ral mahsela,
Chatuan ram eng mawiah hlimin ka la leng ve dawn si.