Hmangaihna rinawm

Sen mei iangin i chhingmit mawi a lo eng a,
Laithin a deng e, tangril fan ngei e;
Sen nau iangin maw hringnun hmangaihna a lo piang e.

I ankanem leh i kam chhuak biahthu a mawi e,
I chet ze mawi leh nuiri thinlaia’n a cham reng;
Tawmkai lo min sit lova, ka chaklohna hriain min fuih renga,
Ka bawrhsawmin ka tan vantirhkoh i ni si;
Hrehawm leh lungngaihna ka tuarin min lo thlamuan thin,
Hmangaihna rinawm…..

Karah leng derna anka leh dawtthu a leng si lo,
Duhthuleng sam rama’n i cheng hek lo;
Lengdang tawnah her nan hlimthla reng i chhuah ngai lo.

Hmangaihna rose par vul hun tur i nghak a,
A kuhmum chhe tur i vawng reng a;
I tan vawiin leh naktuk a dang si lo,
I hmela’n beiseina eng a zam reng si.

I ankanem leh i kam chhuak biahthu a mawi e,
I chet ze mawi leh nuiri thinlaia’n a cham reng.

I hmangaihnain hrui angin min phuar a,
Tangdang reng ka bel thei lo;
Hmangaihna lui a luang cham del e,
Tahchuan hlimin kan cheng dun thin.