Hnam ka len nuam mang e

Phuahtu: -
Satu:

Phuahtu: Laithangpuia
Satu: Biakchhawni, Zawlsei YMA Branch

Hnam ka len nuam mang e,
Hmuh theih se doral angin;
Awmlai lianin hring nun par mawi,
Vul lai a thliak mai ta si a.

An hruai lui ta, ngui rii riai sakhmelin,
Nimahse Zion an thlen chuan;
Lawm takin nunna thing parte an tlan ang.

Lung ka duh par mawi te,
Tawn leh ni a awm tawh lo’ng;
Thlafam lungrawn mual a liam a,
Van mi a chang mai ta si a.

Tlai ni tlaka kan lawi kimna run hi,
Ka lum zo lo, a ngui ruai e;
Min hnem thei lo ka lenrual lungduh pawhin.

Kei mi ngai lo nang a,
Thihna lui ral ramah khian;
Lei hnutiang chhawn ta ni mahse,
Ngaihlung kan her thei dawn nem maw!

Zion Lal nunnem ka ngaih naklaiin,
A hnenah lungduh an cheng ta;
Lung min len, ka tap chhun tlaini ka lenin.

Aw, ka zan tlai tawnmang,
Lo ni se thlafam ngaih chu;
Baw(h)ar lungfingte’n mi tho se,
Zing engah thang mai teh ila.

Kim lai chhungkhat kan awm ngai te khanin,
Laikhumah lo zal hmun ila,
Lawm takin hmangaihte’n ka chul leh ang e.