Horeb lungpui
Hla Thu (Lyrics)
Phuahtu: Biakkungi Chhakchhuak
Satu: Vanlalzami, Rohminga Fanai, Vohbiki
Huna kal rawh Zion ka ngai,
Ka vahvaihna thlaler a ni;
Ka kal chhungin buaina tam takin,
Tuilian angin min len.
Min hruai zel rawh Kanan panin,
Ka nun a chau, dangro, tuihal;
Ka bel ang che Horeb lungpui lian,
Pathian hmangaih luang chhuak.
Jordan tuipui fawn vel mahse,
Ka pan zel ang Zion khawpui;
Dikna leh rinna thianghlim pe la,
Sual ral lian ka hlau lo’ng.
Ka duhthlanna sang ber Lalpa,
Thlarau Thianghlim meialh ding chuan;
Min hruai zel dawn Kanan ram panin,
Thlaler hi ka pel ang.