Hraite kal chhet chhet

Siamtu hmangaih thilthlawn pek,
Rilarah fanau lo chang hnu;
Chun leh zua lunglawm a lo kim ve nan,
I lo piang ta a maw, Mate, kan lawm a kim ngei e,
Hraite, ka duat lai enchim loh.

Hraite, kal chhet chhet, artui hlawh hlawh,
Tumbailek, tumbailek, thang tumbailek, tumbailek,
Mam, mam, ei puk puk,
Chawnbanah kai in kal ka zirtir ang che,
Rualkhum in leng rawh, ka duatlai enchimloh pui

I tah chuan ka thlem ang che,
I sual chuan n ka zilh ang che;
Huaibakin kawhmawh chu bawl lul suh la,
Hnuntui ngaia  i tah hi maw phal hianin,
Min ring lo la, Mate, nui rawh lem, nui ver ver.

Khuanu huala seilianin,
Thiam tin zirin lo thanglian la,
A ram leh a felna zawng hmasain;
Chun leh zua, i ram leh hnam tan
Rinawmin lo parchhuak la, malsawmna ni zel rawh.