Hriangkhawzo

Phuahtu: Varthanzauva
Satu: C. Vansanga, Lynda Ralte

Khua tam fangin ka chuan a,
Hriangkhawzo ka rualduhte lenna;
Chhingzo reng ka chhiar lo e,
Vanhnuai lei chin vangkhuaah hian.

Chhawl ang uai maia’n ka phal lo che,
Vul zel rawh aw, chuailopar iangin;
Nghilh lo’ng e chhingkhual chang rawh i,
Hriangkhawzosang, aw, zotui thiang luanna.

Tuan ila her leh si thin,
Panlai lenrual kim kan lawina;
Chapel run hliap dam diai hnuai,
Ngai bang lo hian ka thlir vawng vawng.

Chhingkual han chang mah ila,
Sappui nun kan zirna vangkhua;
Ka vuah phal lo chhingkhual zawng,
A khi, aw, Hriangkhawzopui khi.