Hring mi Joba

Nghilh in i awm kei ka nawmsakin,
Rethei a ka hriat ka dem leh thung i ni;
Mangan tawp a ka auh che hian,
Min chhanna nge khawvel kalphung zawk?

Ringhlel lo tur a ringtu atan,
Set tet ata zirtir niin buhsi thli in a len bo ang hian;
Ngaihruatnaah a thamral em ni?

Ke bei a dawng, ka mang a ang mang e,
Hlawhchhamna bak ka tawng lo;
Khawvel rosum leh thlamuanna te hi,
Ka tan a par lo ve, 
Joba kha mi tha nge mi a?
A rinna kha dik bik maw?

Eng kawng nge ka zawh ve tak ang le?
Mite nun leh neih thil a buai ngai lo kha;
Neih chak in aw ka phi ruai le,
Hei hi em ni hringnun kalphung zawk?
Ar khawthim dai iangin ka vai ruai,
Rinna mit ti var tu i awm an ti;
Ka hmuh leh khawih theih si loh hi,
Engtia rin tur nge? Khawnge i awm?

Mangan tawp a dem tur a ka au che hian,
I fa mangang tap thawm i haider bik lovang ti raw?
Kei ni hringmi te pawn kan ril a rah te pawh,
An tah leh mangan kan phal ngai lo ang hian;
Chungnung ber a engkim ti thei i nih si chuan,
Kei mimawl leh luhlul baksak tan hian;
I zahngaihna lan tir lul rawh aw.

Ke bei a dawng, ka mang a ang mang e,
Hlawhchhamna bak ka tawng lo;
Khawvel leh rosum thlamuanna te hi ka tan par lo mahse,
Joba rinna tha mi ang kha ka neih theih chuan ka tan a tawk.