Hringnun vui liamin
Phuahtu: C Chhuanga
Satu: Ruth CVL Muanpuii
Lalpa, mi sual leh tluk hmang mai ka ni,
Ka ngaihtuahna sual bawlhhlawh tak hi,
Keimah mai chuan ka ti fai zo lo,
I silfaina thianghlim,
Krista thisen chu ka rawn pan e,
Chatuan mi nung Krista chuan,
Min siamthar leh ta che, Lalpa.
Nitin sual thihsana thil tha ti turin,
Krista nun ze mawi chu min zirtir la;
Ka chatuan hmun ka thlen hma chuan,
Ka vankai chaw nunna thu chu,
Ka chaw tui ber lo ni rawh se.
Krista vanga hringnun vuiliam ngam ten,
Thlarauin a luahkhah theih turin,
Tisa nun hlipin an sun ral thin,
Khawvel nun, mangtha le,
A kohna leh thlanna tinghetin,
A thar zel thin nitinin,
Krista hmangaihna leh thatna.