I dam leh ngei dawn

Phuahtu: -
Satu:

Phuahtu: Lalnunpuia Hrahsel
Satu: Vanlalsailova, Maruati (H Lalremruati)

Lungngai leh mal takin nitin nun i chhiar thin a,
Nguaina leh nguina chu i thian a ni ti raw?
Eng tikah nge a kian ang? dam ni her leh ang maw?
Mahse, beidawng suh, i nui leh ngei dawn.

I dam leh ngei dawn, i hneh thei ngei ang,
Chhum zing a kiang ang a, beisei tlat rawh;
I fam aia fam Krista zarah i dam leh ngei ang,
Aw, i hneh thei ngei ang.

Beisei tur reng awm lo va, riakmaw mal tlat ang leh,
Sirva te thlam ram bel khawhar angin i awm;
I zik ngui mai lo se, i chhungah chakna a awm,
Chawl la, Lalpa chu nghak fan fan rawh.

Aw, i hlu a sin, Van Lal lunghlu i ni,
I natnaah hian Lalpa a na ve thin a sin;
I kawng chu lo bumbohin hrui ang sei deuh mahse la,
A kalsan lo’ng che, a hruai zel zawk ang che.