I her ta maw

Phuahtu: K.L Tluanga
Satu: -

Hla Thu (Lyrics)

Tlaitla eng thlir chang in nang ngaih a zual leh si,
Engtin nge hi maw lunglen ka tuar zel dawn;
Sirah min hnawl mah la nghilhni i awm si lo,
Rairah tah chang a tam dawn mang e.

Tawnloh karah lung i her ta maw,
Thinlai a na e, aw, ka tuara’n;
Enga’n sirah min hnawl leh tur si hian e,
“Ka hmangaih, ka duh che,” min lo tih le?

Hmanah suihlungrual a tudang reng ngai lo ten,
Ka tangah lungdam ten i bei laiin;
“Ka hmangaih, i tan chauh” tiin biahthu min hlan,
Lem ang min der leh si a na e.

Tang dang bel thin mah la i tling hian ka ring lo,
Hmangaihna, hmangaihna mai a tawk lo;
Hmangaihna, rinawmna, inngaihtlawm,
Duhsakna nen tel lo chuan kawplai a rem thei lo.