I hlui lo

Phuahtu: -
Satu:

Phuahtu: John Mawitea & Mapuii Fanai
Satu: Rebecca Lallawmsangi

I tawnah lunghera tang dang bela,
Zamual liam zai ka rel khan e;
Aw, min dem lul suh aw, lungrun,
Ka lungtum reng ni si lo,
Enga’n lungdam tea hlim te’n lenlai a,
Thenna biahthu min hlan mai le?

Aw, i hlui lo, i hlui mawlh lo,
Ka thinlai dawn ruk rilah hian;
Ka suangtuahna chuan i thla hlim iangin,
A zui reng thin che asin,
Tawnmangah tal dar ang lendun leh ka nuam si,
Ngaihlai, duhlai mi u, ka dawn lungruk rilah hian,
Kumtluang chenin i hlui lo’ng e.

Ngaiin ka au hmana kan nunhlui,
Kir leh hian an mawi lo, kei riang tawnah;
Hmanah ka hringnun par ang ti vultu,
Tunah tahna min thlentu,
Suihlunglen hian chin lem a nei ne’maw
Dawn reng a sei, a sei lua em e.

Ti hian kei chuan ka thlah nang che,
I duhleng tawnah chuan lungher la;
Chunnuthaia’n ti ang che, kumtluang atan,
Mahse, hei hi ka tiam a che,
Ka hmangaihna chuan a zui reng ang che a,
Fam chan thleng pawhin.