I hun i hmang tha em?
Hla Thu (Lyrics)
Phuahtu: Rokunga
Satu: Tahan Group – A, GUMC Thalai, Central YMA Zaipawl
Aw, hun leh kum te chu,
Nitin an ral zel a,
Mi hausa leh mi ropuite,
Sang tam tak an liam a,
Kan hlimni leh lawmlaini pawh,
Mual an liam ta, kir an rel lo.
Kan pan lai hun te leh,
Kan vanglaini te kha,
Dawn kirin lunglen a zual em;
Thinlai kawl ang a hnim,
Ngai mah ila, au mah ila,
Mual an liam ta, kir an rel lo.
Khawvel sum zawngte pawh,
Rial ang an ral thei e;
Khawvel pum pawh nei mah ila,
Lung a awi chuang lo’ng e,
Hunte’n an liampui leh ang a,
Ar ang vaihna khua sei thlawn.
Hei erawh min chhang teh,
“I hun i hmang tha em?”
Thil tha tiin sualna do la,
Nunna kawng dik zawh la,
Tin, chatuan lawmna i nei ang,
Hun danglam tawh lohnaah chuan.