I mawi chuang e

Hlimten laitual i len lai hian,
Nui hiauva mual i liam ni ten;
I ngaia luaithlinul a riang hi,
Aw min dawn ve si lo maw,
Mahte’n lunglai a na ngei e.

Kan laitual chu pelin maw,
Hnutiang chhawna mual i liam;
In run bela i kir tur e,
Duhte’n ka thlir bang thei lo,
Chung zawng chu maw ka chan tawk.

I tawnah duhaisam reng reng hian,
Ka hun leh nite hmangin;
Lungruk a hlim ngei e,
Mahse, duhaisam zawng,
Aw, min hnem zo si lo,
Chutin a riang tan hian maw,
Chhawrthla eng mawi a hnim ruai thin.

Thapar vulmawi, aw lungrun,
Tleidang tan vul mai lo la;
Zaleng zingah i mawi chuang e,
Lairil biahthu hlan ila,
Min hnawl hian ka ring nemaw.

Hai ang thangin ka nghilh lo’ng che,
Enga’n khuanu’n a duan che;
Ka rianna khua ti sei tu maw,
Mualtin hrutin leng ila,
Lengdang chhai zai rel a har ngei.