I nun phurrit tak chu

Phuahtu: -
Satu:

Phuahtu: Vanlalsailova
Satu: Vanlalsailova

I nun phurrit tak chu i chauh pui mai dawn em ni?
Thikna lamtluang zawhin i kal zel mai dawn em ni?
Nun hlimna chu zawngin chauin i lo awm em ni?
A pui zel ang che, Krista i rawn pan chuan.

Dik leh rinawmin dilna tinreng te a ngaithla thin,
Kan kiangah kalin a hmangaih huangah nitin kan leng;
I nunna lo chau vin hei hi hrereng fo ang che,
Krista chu pan la, anin a hruai ang che.

I hringnun a buai em, beidawng leh lungngaihnain?
Khawvel lungkhamna hian i nun a ti buai em ni?
Nun riangvai leh chau vin i nunkawng a bo em ni?
Sualna kalsanin tunah a hnen pan rawh.

I hringnun a buai em, beidawng leh lungngaihnain,
Khawvel lungkhamna hian i nun a ti buai em ni?
Nung riangvai leh chau vin i nunkawng a bo em ni?
Sualna kalsanin tunah a hnen pan rawh.