Isua hnenah chauh
Phuahtu: B Lalremkima
Satu: K Zohmingliani, One in Christ
Isua hnenah chauhlo chuan;
Lawmna, hlimna dang reng a awm lo.
Khawvel parmawina nitin an vul zel e,
Mahse, an chuai leh dawn an ral zel dawn;
Lalpa ringtute erawh chatuanin,
Hlimna chuai thei lo chu an chang tawh ang,
Hmangaihna angchhungah an leng tawh ang,
Chatuan atan.
Isua hnenah chauhlo chuan;
Lawmna, hlimna dang reng a awm lo.
Chhumpui ang thlirtute’n min hual vel vangin,
Min tihnawk apiang sual i paih ang u;
Krista kan rinna siamtu tifamkimtu,
A hnen lam thlirin i tlan zel ang u,
Chhel tak leh huai takin i bei zel ang,
He leiah hian.
Isua hnenah chauhlo chuan;
Lawmna, hlimna dang reng a awm lo.
Nang Pathian mi, chu’ng thilte chu tlansan la,
Pathian ngaihsak, felna leh rinnate;
Hmangaih, thuhnuairawlhnate um zel rawh,
Rinna intihsiakna țha chu bei la,
Chatuan nunna thu chu vuan tlat zelin,
Chatuan thlengin.
Isua hnenah chauhlo chuan;
Lawmna, hlimna dang reng a awm lo.
Hun hnuhnung rorelna ni a thleng ngei dawn,
I nunah Isua’n Lal na’n hmun a chang em?
Amah tawk turin i inpeih tawh em?
Isua hnenah chauhlo chuan;
Lawmna, hlimna dang reng a awm lo.