Jenny lo tel ve rawh
Phuahtu: Laltanpuia Tochhawng
Satu: Laltanpuia Tochhawng, K Lalchamliana
Hmangaih lenrual lungduh zalengte damte’n kan in tawng leh,
Thinlung hmunkhat pu leh lungrualte’n hlimni par ang kan tlan;
Kan dawnlungruk a hlim ngei,
Tudang lengdang reng kan ngai chuang lo,
Lungrualte’n kan leng za.
Nghilhni i awm lo’ng vawiinni hi, khuarei chan thleng pawhin,
Mahse, kei zawng a rukte’n awmkhua a har ka ti,
Jenny, lo tel ve rawh (Aw lo tel ve hram rawh),
Jenny, lo te ve rawh.
Aw, ka thinlai tihlimtu ber chu hei mai te hi a ni,
Rianghlei naufa leh lal lai chente lungrualte’n kan nui za;
Kan hlim chhan pawh dang chuang lo kei ka dawnlungruk hi tel ve se,
Pialral kan ngai chuang lo.
Hlim ni kan tawn leh hunah chuanin kan kim tawh kan beisei,
Chutah lawm zawng zawng a kim tawh ang hlim ni, lawmna sang ber;
Chutah ‘Tu’ kiangah emaw lungkham nei lo va kan hlim ve tur,
Mitthlain ka lo hmu.