Jerusalem

Phuahtu: -
Satu:

Satu: K Lalbiakveli

Jerusalem, Jerusalem,
Khawnge i Lal tidamtu chu?
Damna zawngin ka lo kal a,
Mahse, nang chu i ngui ruai si.

Aw Isu, aw Isu,
Damna zawngin ka lo kal a,
Mahse, thlan thim min lo pan san,
Beidawnna mai maw ka chan tak?

Aw, nang thihna, aw, nang thihna,
Tidamtu Krista meuh pawh maw;
Nunrawng taka i lo fam tir,
Hmangaihtu ka nei chhun tur chu.

Aw Isu, aw Isu,
Damna zawngin ka lo kal a,
Chhingmit khar lai min hawn sak teh,
Kumkhuaa nang ka fak nan che.

Aw, nunna thar, aw, nunna thar,
Ka tan a buatsaih a lo ni;
Ka thih aiin a thi ta a,
Thawhlehnaa tih nun ka ni.

Aw Isu, aw Isu,
Nunna tharin min lo siam a,
I nunnaa tihnun ka ni,
Kumkhuain ka fak zel ang che.

Aw Isu, aw Isu,
Nunna tharin min lo siam a,
I nunnaa tihnun ka ni,
Kumkhuain ka fak zel ang che.