Ka bel Zoram Thangpui
Phuahtu: H Lalringa
Satu: Sailothangi Sailo, Lalenkawli Pautu
Awmkhua a har ngei vawiin chuan,
Ka tawng lo min hnemtu;
Mahse, leng dang tang belh ai chuan,
Ka bel Zoramthangpui.
Hramthiam va leng dawntuai tleitir,
Awmkhawhar min hnemtu;
Luaithlinul puan ang tibangtu,
Ka bel Zoramthangpui.
Lenrual lungduh zaleng zingah,
Lenmawi par ang vul a;
Khuandim mual ang chu liam lo la,
Ka bel Zoramthangpui.
Zan tlai nemah va rengchal iang,
Bawmzo thin tin belin;
Lelthang, Ngirtling a iang rengin,
Ka bel Zoramthangpui.
Ka sawm awmkhawhar di zun ngai,
Hramthiam lenmawi hnenah;
Kei pawh awmkhawhar min hnemtu,
Ka sawm Zoramthangpui.