Ka chatuan in
Phuahtu: CV Lalmalsawmi
Satu:
He lei kan khualzinna ramah hian, rei lo te chama haw leh mai tur kan ni,
Tah leh lungngaih, mangan, buaina ten, nitin min hual vel thin, he khawvelah hian zawng;
Mahse, van in nuamah khian ka haw leh thuai dawn tih hriain hlimin ka lo zai,
Fak hla chu sa ring zual zelin thihna pawhin a ngam loh lawmna tak ka nei ta.
Kan haw dawn, kan chatuan in nuamah chuan,
Hmangaihna tui hna kang lohna hmunah;
Chatuan khua a lo var hunah chuanin,
Kumkhuaa a hnena cheng turin,
Krista’n min hruai ang.
Nat, hrehawm, tuarna zawng te’n min chim buai tawh lo vang, ka Pa in nuamah chuan,
Beramno faka zai vawrin rangkachak kawngkhar mawiah tlante kan intawk ang;
Ka chhandamtu hmel duhawm mai chu hmuh hlan ka nghakhlel tawh e, chu ram mawiah;
Lawmna chuai thei lo kan chang ang, Lalpa’n kan tan a buatsaih van kan thlen hunah chuan.
Nang leh kei hi vakvai leh khualzin mai,
Haw leh hun tur nghak chauh kan ni e;
A thutiamah dingnghetin khawvel hi,
Rinnain kan ngam zel dawn a ni.