Ka damlai thlipui a ral hunin

Phuahtu: Patea
Satu: Zaithanmawii, J.R Mankungi, Vanlalzapi

Hla Thu (Lyrics)

Ka damlai thlipui a ral hunin,
Ka Lal chhandamtu hmel chu ka hmu ang a;
Chutah ka lawmna a chuai lo vang,
A hmelah van pangpar a vul reng ang a.

Aw, nunna thing i zar hnuaiah
Van angel rual hlimin an leng;
Aw, chutah kan la chawl ve ang,
Israel tlang thianghlimah chuan.

Chu khawpui mawi thlira ka rumna chuan,
Lungngaih, buaina, thihna thlen thei se la;
Tlanna thisen zara lungduhte,
Khawvelah hian, aw, ka lo then tawh ang a.

I kal zel ang aw, Zion fate,
Kan zalenna ram ropui a hnai ta e;
Tunah lungngaih, tahna leh buaina hi,
Kan lawmna pangparah an la vul ngei ang.

Tin, chu khawpui mawi ka thlen hun chuan,
Kan lenna ram leh lam hi ka hawi tawh lo’ng;
Beramno leh a lalthutthleng chu,
Ennawm mak tak leh ka lawmna ti kim tu.