Ka duh ber Lalpa
Hla Thu (Lyrics)
Hei leh chen kum tam min hruaitu,
Ka Lalpa ka tan i va tha em!
Malsawm tin reng ka chhiar seng lo,
Hlim leh lawmna chatuan nun nen.
I tello chuanin mit khap kar pawh,
Ka nung zo lo ka chau leh thin;
Nang chauh i ni ka duh ber leh,
Chatuan thlenga ka belh tur che.
Ka chhingmit khua fiah lo mahse,
Thlarau mitin a fiah ka Chhandamtu;
Ka vui lo ve eng pawh thleng se,
Chatuan van khawvar min hruai thleng ang.
Ka hahchawlhna leh thlamuanna,
Innghahna leh beisei dang ka nei lo;
Ka pumin nei rawh ka inhlan e,
I angchhung muanna ka rawn pan e.
Natna leh hrehawmna khawvel,
Buai leh lungngaihna ramah hian;
Ka ngai zual ka chhandamtu Lalpa,
I kianga len hlan ka nghakhlel e.