Ka duhaisam
Phuahtu: Sangvela Pautu
Satu: F Laldinmawii
Duhthu ai ang ka sam thin a,
Engtin han ngai ang che maw;
Hmangaih biahthu hlan che ila,
Min hlan let ve ang che maw.
Kan lenna tlang a dang si a,
Suihlung hi a phang leh thin;
Ka ngai em che, duhlai mi u,
Ka van malsawmna i ni.
Nang ngai reng hian, mi u,
Chhun ni, zankhua ka hmang liam thin,
Zan mu chhin zai ka rel thei lo,
Nang tawn ve hun ka nghakhlel e.
Chung Khuanu malsawmna zarah,
Damte’n tawnni lo herin;
Len dun zai kan la rel ngei ang,
Chu hun chu ka nghakhlel e.