Ka duhaisam

Phuahtu: -
Satu:

Phuahtu: Mathlenga
Satu: Mathlenga

Ka duhaisam chu hei hi a ni,
Chung muvanlai ianga lendun kan nuam;
Theih chang ni se inthen lo in,
Ka ngai thin che, ka ngai em che, ka nghilh lo’ng che.

Mual tin hrut a kan inzui lai te,
Kan sul i hnu te ka fan chang hian;
Thinlai rukah i thar leh thin,
Tah ti tam tu, ka nghilh lo’ng e khuareiah pawh.

Aw, kan nun hlui hmanlai chang tur ka ngai ngam lo,
Nang nena hlimte a kan nuih dun lai zawng te;
Ka tahna ti tamtu tur mai a lo ni,
Eng hianin nge sam ang min then tir tak le?

Hun leh nite her liam zel mahse,
Nang nghilh zai a har dawn thinlai rukah;
Nang paw’n min rawn hrereng thin la,
Ka ngen a che, min nghilh bik suh ka di duhlai.

Chung Khuanu’n a veng zel che ang a,
Tang thar belin khiang chu awi ta la;
Malsawm changin hlimte’n leng la,
Duhsakna sang ber ka hlan a che, ka thlah nang che.