Ka duhlai Mampui

Phuahtu: -
Satu:

Phuahtu: Ngurthangvela
Satu: H Lalchawimawii

Ka dawn sei ngam lo kan chan tawk khuarel,
Suihlunglen reng reng maw ka chan hi;
Ka di lungrunpui ngaih a zual thin ngei,
Ka chan tawk khuarel ka dawn ngam lo.

Ka duhlai Mampui, ka ngai em mai che,
Karah hmelma anka len vangin;
Nang nen kan tuanna hmun leh tlang zawng te,
Nghilh ni ka nei lo’ng che lungrunpui.

Chhawrthlapui eng hnuaiah kan len lai khan,
Then loh biahthu di maw min hlan kha;
Enga’n nge tunah nau ang i nuar le?
Nghilh ni ka nei lo’ng che, Nunnemte.

Ka tawnmang lungmawlah ka lo tawng che,
I ngaih hian kian ni reng a nei lo;
Lengdang tang belin min liam san mah la,
Nghilh ni ka nei lo’ng che, Di bawihte.

Lungchhirin hmangaih thu hlan thin mah la,
Hmangaih biahthu hlan a sawt tawh lo;
Kei pawh leng dang tawnah ka liam ta nge,
Dam takin mangtha ngaihlai mi u.

Nang pawh i lungdi par mawi nen chuanin,
Hraileng chawiin hlimin leng tawh la;
Kei pawh ka tawn thar di nen chuanin e;
Tu dang ngai lo te’n kan leng tawh ang.