Ka hawikir lo’ng

Phuahtu: H. Thanchianga
Satu: Chawngtlai Pastor Bial Zaipawl

Hla Thu (Lyrics)

Lei hrehawmna tuam velah ka awm laiin,
Hmangaihtu kohna aw ka hria a;
Ahnen lam pana ka kal laiin,
Aw, khawvelah au kir leh rawh min ti.

Khawvel thianten hnuchhawnin min thlahthlam se,
Khawvel in hrethiam rih lo mahse;
Kei chuan e, Lal rawng ka bawl zel dawn,
Aw, ka lawm em em, ka kir leh tawh lo’ng.

Min hmangaihtu chu ka zui zel dawn si,
Khawvelin min lo au thin mahse;
Ka tlan zel dawn kraws lamtluangah
Ka hawi kir lo’ng, ka kir leh tawh lo’ng.

Ka hmatiangah kraws par rimtu a leng vel,
A parmawi hnamtin tan damna chu,
Ka vuan ta ka thlah leh phal tawh lo’ng,
Aw, lei hrehawmah ka kir leh tawh lo’ng.

Anchhedawng hnu Lalber fa ka lo ni ta,
Thu leh hla a hril sen a ni lo;
Amakin a ropui em hmangaihna,
Ka lungawi em ka kir leh tawh lo’ng.