Ka lawmna ber
Phuahtu: Zorema Khiangte
Satu: Zorema Khiangte
Harsatna leh lungngaihna a lo thleng a,
Thawpik leh ruma ka awm laiin;
Min hriattir thin ka Lalpa’n,
A fa ka ni min hlat ngai lo.
Ka lawmna ber i ni, aw Lalpa,
Harsatna hmunah pawh ka thlamuanna;
Beiseina zawng pawh a tham ralin,
Min ti chak thar leh thin,
Min hmangaih zia ka ngaihtuah hian.
Ka beisei leh innghahna zawng te pawh,
Mualliamin ral ni an nei thin;
Nang chauh i ni ka Lalpa,
Chatuan Pathian danglam ngai lo.
Ka ngaihhlut thin khawvel thil zawng te hi,
Chanin nei dawn lo mah ila;
Nang ka nei che, a pawi lo,
Ka tan i tawk e, aw Isu.